
Frosti Fjalar, Arfleifð listamanns
22. nóvember 2026 klukkan 13:00
Frosti Fjalar – Arfleifð listamanns
Minningarviðburður og pop-up sýning í tilefni af 90 ára fæðingarafmæli listamannsins (1936–2026)
Barnasmiðja og léttar veitingar.
Félagsheimilið á Flúðum, 22. nóvember frá 13-16.
Listasafn Árnesinga og Hrunamannahreppur bjóða til sérstaks viðburðar til heiðurs myndlistarmanninum Frosta Fjalar (1936–2026), sem lést í júní síðastliðnum en hefði orðið níræður þann 29. desember á þessu ári.
Frosti Fjalar, (skírður Jakob Jónsson), var afkastamikill listamaður sem fór eigin leiðir í íslensku myndlistarlífi. Hann lauk prófi í byggingarverkfræði frá KTH í Stokkhólmi árið 1961 og stundaði síðar myndlistarnám í Kaupmannahöfn á árunum 1965–1971. Hann tók virkan þátt í íslensku myndlistarlífi á áttunda og níunda áratugnum og hélt meðal annars sýningar í Bogasal Þjóðminjasafnsins, Ásmundarsal og Stöðlakoti. Eftir síðustu sýningu sína árið 1991 dró hann sig í hlé frá opinberu myndlistarlífi en hélt áfram að skapa í einrúmi og byggði upp umfangsmikið safn listaverka.
Frosti arfleiddi Listasafn Árnesinga að öllum eigum sínum og listaverkum og hefur safnið nú tekið við þessari einstöku gjöf. Með henni hefur ævistarf listamannsins verið falið safninu til varðveislu og miðlunar til komandi kynslóða.
Þótt Frosti hafi fæðst á Bíldudal átti fjölskylda hans djúpar rætur í Hrunamannahreppi. Faðir hans, Jón Jakobsson prestur, fæddist á Galtafelli árið 1903 og föðurafi hans, Jakob Jónsson, fæddist í Bryðjuholti árið 1866 og bjó síðar meðal annars í Miðfelli og á Galtafelli. Þessi ættartengsl varpa áhugaverðu ljósi á ákvörðun Frosta að arfleiða Listasafn Árnesinga að eigum sínum og ævistarfi.
Á viðburðinum verður fjallað um líf Frosta, ættartengsl hans við Hrunamannahrepp, myndlistarferil og þá merku arfleifð sem hann lætur eftir sig. Jafnframt verður sett upp sérstök pop-up sýning á úrvali verka hans í félagsheimilinu á Flúðum aðeins í þennan eina dag.
Með viðburðinum vilja Listasafn Árnesinga og Hrunamannahreppur heiðra minningu Frosta Fjalar, kynna verk hans og fagna þeirri einstöku gjöf sem nú hefur verið falin safninu til varðveislu.
Aðgangur ókeypis – öll velkomin.
Viðburðurinn er haldinn í samstarfi Listasafns Árnesinga og Hrunamannahrepps

BONFIRE – listamannaspjall / Edition 2
22. nóvember 2026 klukkan 14:00
BONFIRE Listamannaspjall – Edition 2
Sunnudaginn 22. nóvember | 14:00–16:00
Listasafn Árnesinga, Hveragerði
Ókeypis viðburður.
Við bjóðum ykkur hjartanlega velkomin á Listasafn Árnesinga sunnudaginn 22. nóvember til að hitta listamennina sem taka þátt í BONFIRE listamannadvöl á Íslandi.
BONFIRE er sjálfstæður samtímalistvettvangur, stofnaður og stýrt af listamannatvíeykinu LEMOS + LEHMANN, sem hefur aðsetur á Hvolsvelli.
Sex alþjóðlegir listamenn munu kynna verk sín, veita innsýn í rannsóknir sínar og vinnuaðferðir og bjóða upp á opið samtal um listsköpun, hugmyndir og ólíkar nálganir.
Komið og njótið hlýrrar stundar með heitum drykk, samtali og innblæstri á öðruvísi sunnudagseftirmiðdegi í vetrarblíðunni!
Þátttakendur:
Daniela Davico (Argentína)
Lindsay Stone (Bandaríkin)
Kelly Marshall (Bandaríkin)
Camila Botero (Kólumbía)
Barbara Schober (Þýskaland)
Xus Francés (Spánn)
www.bonfire-air.com
@bonfire.air

BONFIRE – listamannaspjall / Edition 1
8. nóvember 2026 klukkan 14:00
Listasafn Árnesinga, Hveragerði
Ókeypis viðburður.
Við bjóðum ykkur hjartanlega velkomin á Listasafn Árnesinga sunnudaginn 8. nóvember til að hitta listamennina sem taka þátt í BONFIRE listamannadvöl á Íslandi.
BONFIRE er sjálfstæður samtímalistvettvangur, stofnaður og stýrt af listamannatvíeykinu LEMOS + LEHMANN, sem hefur aðsetur á Hvolsvelli.
Sjö alþjóðlegir listamenn munu kynna verk sín, veita innsýn í rannsóknir sínar og vinnuaðferðir og bjóða upp á opið samtal um listsköpun, hugmyndir og ólíkar nálganir.
Komið og njótið hlýrrar stundar með heitum drykk, samtali og innblæstri á öðruvísi sunnudagseftirmiðdegi í vetrarblíðunni!
Þátttakendur:
Anna Pogossova (Ástralía)
Shermin Voshmgir (Austurríki)
Laurie Glover (Bandaríkin)
Frankie Hsu (Bandaríkin)
Carmen Mattear (Kanada)
Pamela Gonzalez (Bandaríkin)
Stephanie Chambers (Bandaríkin)
www.bonfire-air.com
@bonfire.air

POL IS ART III 31. október 2026 klukkan 14:00
Við höldum upp á pólska menningardaga í þriðja sinn í ár og að þessu sinni vinnum við með pólska galleríinu Arsenal. Martyna Hopsa er verkefnastjóri og hugmyndasmiður daganna.
Verkefnið hefur vaxið og eflst með hverju árinu og er orðið mikilvægur þáttur í samfélags- og menningarstarfi safnsins. Í ár nær dagskráin yfir allan nóvembermánuð og teygir sig jafnframt inn í október og desember.
Meginmarkmið verkefnisins er að skapa lifandi vettvang þar sem pólsk og íslensk menning mætast, efla tengsl milli íbúa af ólíkum uppruna og stuðla að virkri þátttöku í menningarlífi samfélagsins. Pólverjar eru fjölmennur hópur á Íslandi og hafa lagt mikilvægan skerf til íslensks samfélags. Með POL IS ART III vill Listasafn Árnesinga auka sýnileika pólskrar menningar og undirstrika mikilvægi þess að menningarstofnanir endurspegli fjölbreytileika samfélagsins og séu opnar öllum.
Dagskráin er fjölbreytt og ætluð öllum aldurshópum. Boðið verður upp á myndlistarsýningar, listamannaspjall, og skapandi smiðjur, meðal annars þrykk-, textíl- og vatnslitasmiðjur, rólegar myndlistarsmiðjur og núvitundarsmiðjur. Sérstök áhersla er lögð á þátttöku barna og fjölskyldna og verða smiðjur meðal annars haldnar á íslensku, pólsku og ensku til að tryggja að tungumál verði ekki hindrun fyrir þátttöku. Tónlist og pólsk matarmenning verða einnig hluti af dagskránni. Listamannatvíeykið Lukas Bury og Weronika Balcerak, sem sýnir í sal 2 í safninu, tekur þátt með listamannaspjalli.
Monika Szewczyk, sýningarstjóri hjá pólska galleríinu Galeria Arsenał hefur sett saman prógram sem verður kynnt í vídeóhorni safnsins.
Pólska sendiráðið á Íslandi hefur jafnframt verið mikilvægur samstarfsaðili menningardaganna.
Kynning á Safni II sem hluta af POL IS ART 2026, LÁ Listasafni, Hveragerði, Íslandi
Safn II í Galeria Arsenał í Białystok hefur verið í framleiðslu frá árinu 1990. Árið 1993 eignuðumst við fyrstu myndbandsverkin: 15 verk eftir Józef Robakowski. Þetta var jafnframt í fyrsta sinn sem myndbandsverk voru keypt í opinbert listasafn í Póllandi. Í dag samanstendur Safn II af 70 myndbandsverkum eftir pólska og erlenda listamenn. Fyrir þessa kynningu völdum við 7 verk. Við vonum að þetta litla úrval nægi til að sýna fjölbreytni Safns II og hvernig það bregst við málefnum samtímans. Verkin fjalla um margvísleg og flókin viðfangsefni, þar á meðal afleiðingar pólitískra og samfélagslegra umbreytinga, hugarfar pólsks samfélags (Althamer), sjálfsvísandi eðli listarinnar (Molska, Doroszuk), ógnirnar sem stafa af viðkvæmni lýðræðisins og vaxandi útbreiðslu útlendingahatandi viðhorfa (Czerepok) og loftslagsbreytingar (Lelonek). Ásamt öðrum verkum í Safni II mynda þessi myndbönd frásagnir sem eiga enn erindi í dag. Valið tengist einnig sýningardagskrá gallerísins.
Sýningarstjóri: Monika Szewczyk.
Myndbönd:
Piotr Bosacki, „Film o Kostuchu”, 2008, hreyfimynd, 2 min 50 s
Paweł Althamer, „Teledysk”, 2004, myndband, 8 min 4 s
Artur Żmijewski, „Nasz śpiewnik”, 2003, myndband, 13 min 29
Hubert Czerepok, „Lux Aeterna”, 2011, myndband, 29 min;
Izabella Gustowska, „Wonderful life”, 2003, myndband, 6 min 7 s
Anna Molska, „Tanagram”, 2006–2007, myndband, 5 min 18 s.
Wojtek Doroszuk, „Festin”, 2013, video, 20 min 17 s.
Diana Lelonek, „Formy przetrwania”, 2020, video HD, 8 min,
Dagskrá:
31.10.2026 kl. 14:00 Opnun myndbandssýningar, kynning og fundur með Galeria Arsenał frá Póllandi. Listamannaspjall: Weronika Balcerak og Lukas Bury.
01.11.2026 kl. 12:00: Smiðja í linóleumskurði með Justynu Kołodko-Bietkał frá Galeria Arsenał. https://www.facebook.com/events/2583804598721988
05.11.2026 kl. 15:00: Smiðja í þurrpensiltækni (dry brush) með Martynu Hopsa. https://www.facebook.com/events/2235184397052523
21.11.2026 kl. 14:00: „WE CALL IT HOME“, smiðja í málun á textíl með Małgorzötu Porażewska. https://www.facebook.com/events/2086079472000457
Ókeypis viðburður og öll velkomin.

6. desember 2026 klukkan 14:00
Leiðsögn með sérfræðingi
Þar sem landið hefst.
Sýning úr safneign safnsins.
Upplifun af landslagi er grunnur mannlegrar tilveru. Manneskjan lifir af landinu, í landinu og á því, skynjar það, virðir og hræðist það jafnvel. Manneskjan hefur einnig áhrif á umhverfi sitt, gengur á landið, breytir landslagi, eyðileggur og tekur pláss. Hún getur upplifað sig smáa og varnarlausa gagnvart náttúruöflunum. En hún getur líka upplifað sig æðri og mikilvægari en landið sem hún gengur yfir. Alltaf eigum við í stöðugu sambandi við landið, öllum stundum. Sama hvar við erum stödd á jörðinni. Landið er alltumlykjandi.
Ókeypis viðburður og öll velkomin.

17. desember 2026 klukkan 15:00
Listaverk á bæjarskrifstofum Grímsnes- og Grafningshrepps.
Verk eftir myndlistarmennina Jakob Veigar Sigurðsson og Öldu Rose Cartwright prýða nú bæjarskrifstofur Grímsnes- og Grafningshrepps. Verkefnið er unnið í samstarfi sveitarfélagsins og Listasafns Árnesinga og er liður í því að færa myndlist nær fólki og skapa lifandi og skapandi umhverfi í daglegu starfi.
Listasafn Árnesinga hefur áður staðið að sambærilegu verkefni í Ráðhúsi Árborgar. Safnið er í eigu Héraðsnefndar Árnesinga, sem öll sveitarfélög Árnessýslu eiga aðild að, og eitt af markmiðum þess er að styðja við og vekja athygli á starfandi myndlistarmönnum með tengsl við svæðið. Með verkefnum sem þessum fær myndlistin jafnframt að stíga út fyrir hefðbundið sýningarrými og verða hluti af hversdagslegu umhverfi íbúa og starfsfólks.
Jakob Veigar Sigurðsson (1975) er uppalinn í Hveragerði en býr og starfar í Vínarborg. Hann lauk BA-gráðu í myndlist frá Listaháskóla Íslands árið 2016 og framhaldsnámi frá Akademie der bildenden Künste í Vínarborg árið 2019. Málverkið er hans helsti miðill og einkennast verk hans af kraftmikilli litanotkun og tjáningu þar sem persónuleg reynsla, samfélagið og sterk tengsl við náttúruna fléttast saman. Jakob hefur sýnt verk sín víða hér á landi og erlendis. Árið 2023 hélt hann stóra einkasýningu í Listasafni Árnesinga undir yfirskriftinni Megi hönd þín vera heil.
Alda Rose Cartwright (1981) er íslensk-bandarísk
myndlistarkona sem býr og starfar á Suðurlandi. Hún lauk BFA-gráðu frá Academy of Art University í San Francisco árið 2008 og meistaragráðu í listkennslu frá Listaháskóla Íslands árið 2012. Í verkum hennar fléttast minningar, draumar og staðir saman í brotakennd augnablik þar sem mörk tíma og veruleika verða óljós. Hún vinnur með það hvernig minningar um landslag, staði og upplifanir breytast með tímanum, smáatriði fölna en tilfinningar og einstök brot lifa áfram. Náttúruleg form, litir og táknmyndir verða að eins konar akkerum í tíma og mynda órætt landslag þar sem fortíð og nútíð, draumur og veruleiki renna saman. Í verkum sínum rannsakar Alda hvernig hverful augnablik og tengsl okkar við staði varðveitast og umbreytast og verða hluti af því hvernig við skynjum okkur sjálf og umhverfi okkar.
Verk Jakobs og Öldu skapa ólíka en áhugaverða nálgun á liti, landslag, minningar og upplifun. Með því að færa verk þeirra inn í bæjarskrifstofurnar verður myndlistin hluti af daglegu umhverfi og gefur starfsfólki og gestum tækifæri til að staldra við, skoða og upplifa samtímalist utan hefðbundins sýningarsalar.
Miðvikudaginn 17. desember kl. 15:00 verður boðið upp á listamannaspjall með Jakobi Veigari Sigurðssyni og Öldu Rose Cartwright á bæjarskrifstofum Grímsnes- og Grafningshrepps.
Þar munu listamennirnir segja frá verkum sínum, vinnuferli og þeim hugmyndum og reynslu sem liggja að baki verkunum.
Öll eru hjartanlega velkomin.

Ljósmynd: Ástvaldur Lárusson
Listamannaspjall 31. október 2026 klukkan 14:00
Verið velkomin á listamannaspjall með Weronika Balcerak og Lukas Bury.
Ókeypis viðburður og öll velkomin.