Skapandi dagbókavinna
24. október / Kl 13:00
Skapandi dagbókavinna – listasmiðja fyrir börn á Listasafni Árnesinga
24.október
Frá kl. 13-15
Aldur: 7–11 ára
Hámark: 8 þátttakendur
skráning: fraedsla@listasafnarnesinga.is
Leiðbeinandi: Madalena Abreu
Allt efni innifalið
Hvað gerist þegar tímarit breytist í fjársjóðskort fyrir sköpun og ímyndunarafl?
Í upphafi smiðjunnar fær hvert barn dularfullt umslag með sérhönnuðum könnunarpakka – verkefna tímarit, minnisbók og skapandi efniviði sem útbúinn hefur verið sérstaklega fyrir smiðjuna.
Tímaritið verður eins konar skapandi fjársjóðskort sem leiðir hópinn í gegnum fjölbreytt verkefni og áskoranir. Börnin teikna, skrifa, klippa, safna og líma og nýta meðal annars efnivið úr tímaritinu til að umbreyta auðum síðum minnisbókarinnar í persónulega úrklippubók fulla af hugmyndum, uppgötvunum og minningum frá deginum.
Að smiðjunni lokinni fá börnin bæði bókina og verkefnatímaritið með sér heim. Þar bíða fleiri verkefni, skapandi áskoranir og hugmyndir sem hægt er að halda áfram með heima eða vinna með fjölskyldunni.
Engin fyrri reynsla af myndlist er nauðsynleg – aðeins forvitni, ímyndunarafl og löngun til að kanna og skapa!
—
Dúkrista – POL IS ART III
1. nóvember / Kl 12:00
Dúkrista
1.nóv. 2026
kl. 12:00–14:00
Hámark 10 þátttakendur
Ókeypis smiðja, en greiða þarf 3.000 kr. í efniskostnað.
Í dúkristusmiðjunni bjóðum við þátttakendum inn í heim einfaldra handtaka, einbeitingar og uppgötvana. Við teiknum, skerum út og þrykkjum okkar eigin verk, ef til vill innblásin af verkum úr Collection II frá Gallery Arsenal, sem sjá má í vídeóhorni á POL IS ART menningardögunum í nóvember.
Við leitum í eigin hugarheim og minningar. Hvaða myndir koma upp í hugann? Kannski uppáhaldsstaður, planta sem varð á vegi okkar, minning sem hefur fylgt okkur lengi eða eitthvað sem hefur um tíma búið í ímyndunaraflinu.
Það er eitthvað töfrandi við dúkristuna. Í upphafi er aðeins dúkur og óráðin lína. Smám saman tekur myndin á sig form. Síðan kemur blekið, pappírinn og þrýstingurinn – og allt í einu birtist þrykk. Eitthvað sem hægt er að taka með sér heim og varðveita lengi. Og hvert þrykk verður örlítið frábrugðið því næsta.
Engin fyrri reynsla eða sérstök teiknikunnátta er nauðsynleg – forvitni og smá þolinmæði er allt sem þarf. Það sem skiptir mestu máli er sköpunarferlið og tíminn sem við eigum saman.
Í smiðjunni einbeitum við okkur að sköpuninni en gefum okkur líka tíma til að staldra við og taka eftir bleklyktinni, hljóðinu þegar útskurðarjárnið rennur eftir dúknum, samtölunum við vinnuborðið og gleðinni sem fylgir því að lyfta pappírnum í fyrsta sinn og sjá eigið þrykk birtast.
Og farðu ef til vill heim með lítið minningarbrot á pappír.
Fyrir börn verður boðið upp á einfaldaða útgáfu af þrykktækninni.
Skráning er nauðsynleg: fraedsla@listasafnarnesinga.is
—
Núvitundarlistasmiðja POL IS ART III
5. nóvember / Kl 14:30
Núvitundarlistasmiðja – þurrpensill, svartur litur og fínir pennar
5. nóvember 2026
kl. 14:30–17:00
Hámark 10 þátttakendur
Í smiðjunni vinnum við eingöngu með svart og hvítt. Við prófum þurrpensilstækni og búum til grafískar samsetningar með svörtum lit. Að því loknu vinnum við áfram inn í verkin með fínum tússpennum og pennum og fyllum upp í rýmin á milli forma og pensilfara.
Fram undan er rólegt og hugleiðslukennt sköpunarferli þar sem gefst tækifæri til að hægja á, einbeita sér að sköpuninni og njóta augnabliksins. Hver þátttakandi fer heim með sitt eigið verk – og vonandi einnig með örlítið meiri hugarró.
skráning hjá fraedsla@listasafnarnesinga.is
—
ÞETTA ER HEIMA – textílsmiðja POL IS ART III
21. nóvember / Kl 14:00
ÞETTA ER HEIMA – textílsmiðja
21.11.2026
Kl. 14-16
Leiðbeinandi: Małgorzata Porażewska
Aldur: 16 +
IS
Listasmiðja um sjálfsmynd, minningar og staðinn sem við köllum heim Smiðjan hefst á vangaveltum um hvað það er sem fær stað til að verða að heimili. Þátttakendur velja þrjú atriði sem þeir tengja við heimili sitt eða stað sem þeir finna sterk tengsl við og umbreyta þeim síðan í einföld form, liti og mynstur. Þessi tákn og mynstur eru síðan færð yfir á flík sem hver þátttakandi kemur með og úr verður persónulegt og klæðilegt verk.
Hver þátttakandi þarf að koma með eina hreina bómullarflík eða annan textíl, til dæmis stuttermabol, peysu, skyrtu eða taupoka, sem unnið verður með í smiðjunni. Mælt er með að flíkin sé hvít eða ljós á litinn.
ATH: Safnið og leiðbeinandi smiðjunnar útvega ekki flíkur eða annan textíl til að mála á.
SKRÁNING NAUÐSYNLEG: fraedsla@listasafnarnesinga.is
—
Jólapeysusmiðja með ÝRÚRARÍ
6. desember Kl. 13:00
Allur aldur
Fjölskylduvæn smiðja þar sem peysur öðlast nýtt útlit í jólaþema fyrir desember.
Smiðjan byggir á skapandi fataviðgerðar smiðjum textílhönnuðarins Ýrúrarí, þar sem föt öðlast nýtt líf og útlit með mjög einföldum og aðgengilegum aðferðum.
Þátttakendur koma sjálfir með peysu, eða prjónaða flík, sem þau vilja breyta og ef einhverjar sérstaklega jólalegar hugmyndir hafa vaknað fyrir smiðju, eins og t.d að nota litlar jólaseríur eða úrelt jólaksraut heima úr geymslu, þá er um að gera að taka slíkt með!
Í smiðjunni verður í boði ýmis efniviður og verkfæri sem hægt er að vinna með í einföldum og skrautlegum textíl aðferðum sem henta algjörum byrjendum sem og lengra komnum. Einnig verður í boði efniviður og lausnir til að taka þátt í smiðjunni án þess að koma með peysu eða flík, enda ýmislegt sem hægt er að útbúa til að festa á flíkur tímabundið bara fyrir jólin.
Ætlast er til að börn yngri en 10 ára komi í fylgd fullorðins.
Skapandi fataviðgerðarsmiðja Ýrúrarí hefur ferðast víða, og hefur t.f farið fram í Tívolí í Kaupmannahöfn, Textile Art Center í New York, á Helsinki fashion week og á MAK safnið í Vín. Þátttakendum er því einnig frjálst að vinna fataviðgerðir sem eru ekki í jólaþema og virka allan ársins hring en stuðst er við svipaðar aðferðir á jólapeysusmiðjunni.
Smiðjuna þróaði textílhönnuðurinn Ýr Jóhannsdóttir (Ýrúrarí) á Hönnunarsafni Íslands í lokaverkefni sínu í listkennsludeild LHÍ, þar sem markmiðið var að móta aðgengilega fataviðgerðarsmiðju þar sem skapandi hugsun og flæði ræður för. Ýrúrarí er þekkt fyrir endruvinnsluverkefni sín með notaðar ósöluhæfar peysur sem hún glæðir nýju lífi og persónuleika með fjölbreyttum handverks aðferðum.
Hægt er að skoða verkefni Ýrúrarí á www.yrurari.com
Takmarkað pláss og skráning nauðsynleg á fraedsla@listasafnarnesinga.is
Ókeypis smiðja
—
Pappamassa smiðja – búum til fugla
27. september / Kl 13:00
Pappamassa smiðja – búum til fugla!
Í þessari skapandi vinnustofu lærum við að búa til pappamassa úr gömlum dagblöðum, tímaritum og bæklingum. Pappamassi er skemmtileg og einföld aðferð sem hentar vel til að skapa skúlptúra af öllum stærðum.
Við prófum tvær ólíkar pappamassa aðferðir og þátttakendur fá tækifæri til að leika sér með efnið og finna þá aðferð sem þeim líkar best.
Í vinnustofunni búum við til litla fuglastyttu með innblæstri frá skúlptúrum Halldórs Einarssonar, verkum á nýrri sýningu safnsins og síðast en ekki síst fjölbreyttu fuglalífi Íslands.
Komdu og skapaðu þinn eigin einstaka fugl!
Vinnustofan er opin öllum (börn yngri en 8 ára þurfa að vera í fylgd með fullorðnum) og fer fram á ensku.
Frá 13:00–15:00 og ókeypis aðgangur og skráning fer fram á fraedsla@listasafnarnesinga.is
—
Bókasmiðja
14. ágúst / Kl 14:00
Bæjarhátíðin Blómstrandi dagar er haldin hátíðleg í Hveragerði dagana 13.-16. ágúst með fjölbreyttri viðburðadagskrá.
Föstudaginn 14. ágúst verður opin bókasmiðja á kaffihúsi Listasafns Árnesinga.
Við lærum að búa til einfalda bók úr allskonar pappír. Það má koma með pappír að heiman en einnig verður nægur efniviður á staðnum. Þú getur teiknað og skrifað sögu eða búið til persónulega skissubók.
Laurine, starfsnemi frá Frakklandi, leiðir smiðjuna. Hún talar ensku og frönsku.
Smiðjan er öllum opin, velkomið að koma við á milli kl. 14 og 16. Aðgangur er ókeypis og ekki þarf að skrá sig.
—