20. maí klukkan 16:00 ókeypis tónleikar.
Sim Ying mun flytja verk frá barokktímanum, klassíska tímabilinu og 20. öld.
Loo Sim Ying er klassískur gítarleikari og útskrifaður frá Malaysia Institute of Arts. Hann hefur hlotið verðlaun á Malaysia Youth Music Festival, þar sem hann vann fyrstu verðlaun árin 2008 og 2009 og gullverðlaun árið 2011.
Hann hefur lokið Associate- (ATCL) og Licentiate- (LTCL) prófgráðum í tónlistarflutningi frá Trinity College London, báðum með hæstu einkunn (Distinction), og hlaut jafnframt Trinity College London Award of Excellence fyrir árangur sinn í ATCL-prófinu.
Sem verðlaunahafi hefur hann komið fram á Trinity Guildhall Awards Concert og leikið á tónleikaröðinni Bel Canto á vegum Classical Music Society of Selangor/Kuala Lumpur, á 8. JB Arts Festival, hjá Alliance Française de Singapour, library@esplanade og í The Arts House.
Hann hefur tekið þátt í meistaranámskeiðum hjá alþjóðlega þekktum gítarleikurum og komið fram í Indónesíu, Singapúr og á Íslandi.
7. febrúar 2026 klukkan 15:00 OPNUN FIMM SÝNINGA
Listamenn:
Bernard Khoury
Rebekka Kühnis
Hlynur Hallsson
Styrmir Örn Guðmundsson & Agata Mickiewicz
Jeannette Castioni
Myndlistin gegnir margvíslegu hlutverki. Stundum er hún spegill, þess megnugur að varpa ljósi á tíðarandann og okkur sjálf. Stundum er hún fegurðarleit. Stundum afhjúpandi kraftur sem hristir upp í því viðtekna – máttur til umbreytingar. Á sýningunum sem opna 7.2 fær listin notið sín í margbreytileika sínum en sköpun sem hreyfiafl er í forgrunni. Sex listamenn úr ólíkum áttum, sem skoða meðal annars vald, rými, minni og ábyrgð frá ólíkum sjónarhornum, umbreyta list í aðgerð, gagnrýni og vettvang fyrir samtal um samtímann. Hér verður safnið ekki griðarstaður notalegrar fortíðarþrár, ekki skjól frá hversdagslegum eða pólitískum áskorunum nútímans heldur rými til að mæta þeim, íhuga þær vandlega og öðlast endurnýjaða sýn.
Vídeóhorn 7. febrúar klukkan 15:00
Augnablik jökuls (2024)
8 mínútur
Augnablik jökuls (2024) er vídeóverk sem beinir sjónum okkar að jökulefni frá Sólheimajökli í gegnum smásjá og gamalt íslenskt þjóðlag, Lóuvísur.. Myndin býður upp á nýtt sjónarhorn á bráðnunina og flytur áhorfandann inn í jökulinn – og allt það efni sem hann ber með sér.
Alberte Parnuuna & Antonía Bergþórsdóttir, Íris María Leifsdóttir & Vikram Pradhan
Listamennirnir Antonía Bergþórsdóttir, Íris María Leifsdóttir, Vikram Pradhan og Alberte Parnuuna skoða jökulís og jökulleir frá Sólheimajökli með smásjá til að afhjúpa hvað leynist í ísnum.
Sermit | Jöklar er þverfaglegt samstarf sem varpar ljósi á áhrif bráðnunar jökla og loftslagsbreytinga. Listamennirnir hafa ferðast fram og til baka til Grænlands og Íslands frá árinu 2023.
www.siorssuk.com | www.irisleifs.is | www.antoniaberg.is | www.vikrampradhan.cargo.site